النسخة متاحة للقراءة و التصفح اونلاين مباشرة
لكن لو عاوز نسخة PDF مخصوص على ايميلك ..
فى أوقات الحر و الصيف و الموجات الحارة الشديدة - زي الأيام دي -
بيواجه الفرى لانسر حالات انقطاع الكهرباء اثناء الشغل
و الموجات الحرارية و ارتفاع درجة حرارة الصيف نتيجة لظاهرة الاحتباس الحراري
و من واقع التجربة الشخصية .. بنقولكم حبة نصايح للفرى لانسر ( القدام أكتر )
و اظن هتفيدك اثناء الشغل فى الأيام الحر .. و النصايح منوعة من حالات الشغل الخفيف للشغل التقيل
و انت تختار النصايح اللى تفيدك
النصيحة 1 :
قسم أوقات الشغل و الراحة فى الأيام الطارئة
اعرف مسار درجات الحرارة على مدار اليوم
و تخلي أغلب اوقات الراحة فى النهار ( قيلولة - العصرية )
بينما أغلب أوقات الشغل و التواصل فى الليل او ابتداء من وقت الفجر لغاية الظهر
دي بتكون أوقات انقطاع الكهرباء فيها قليل
و كمان درجة الحرارة بتكون فيها منخفضة
تقدر تعرف اوقات درجة الحرارة مسبقا لليوم و بالساعة من هنا
و بصفة عامة الموقع ده يعتبر ادق موقع تعرف منه درجات الحرارة الحقيقية من دلوقتي و لأسبوع قدام
النصيحة 2 :
اشتغل على اللاب توب
فيه فرى لانسر اعرفهم بيشتغلوا على جهاز كمبيوتر و عندهم لاب توب للطواريء ...
ده وقت الشغل على اللاب توب للطواريء
عشان لو حصل انقطاع كهرباء .. شغلك ما يضيعشي
سواء تصميم او ترجمة او كتابة او برمجة
النصيحة 3 :
جهز باقة نت hotspot
لو كنت بتسلم شغل .. نصيحة ما تستهلكش باقة الموبايل الايام دي .. و خلي اغلب تصفحك للنت من واي فاي
و وفر استهلاك الباقة لحالات انقطاع الكهرباء
لأنك ممكن تستخدم موبايلك كنقطة اتصال او راوتر مؤقت لو النور قطع
شخصيا أوقات كتير بستخدام موبايلي كنقطة hotspot
و احوله لمصدر نت مستمر لمدة بسيطة تشغل عليها اللاب توب
و بتساعدني اعرف ابعت شغل او رسالة على الفرى لانسر فى اوقات ضرورة
و بالمناسبة باقة النت موبايل عندي 15 جنيه فى الشهر بس ( مش مبلغ كبير )
و التلات شبكات ( اتصالات و اورانج و فودافون ) هتلاقي عندهم النظام ده تقدر تشتريه بسهولة حسب استهلاكك اكتر طبعا
فالموضوع تكلفة بسيطة لكن بتفيد وقت الزنقة و الطواريء جدا جدا ( عن تجربة )
النصيحة 4 :
لو بتشتغل على جهاز .. احفظ .. سيف .. احفظ !
اوقات كتير بتكون بتشتغل و النور يقطع و تقعد تتضايق عشان الشغل بتاع ساعتين ضاع
هنا بنفكرك .. دايما اعمل حفظ .. سيف باستمرار
و لو كان شغلك فى برنامج كتابة او ترجمة ... فيه خاصية لكل برنامج للحفظ التلقائي كل مدة معينة ( مثلا 5 دقايق ؟ )
فعلها عشان تشتغل معاك
النصيحة 5 :
جهز لنشاط وقت انقطاع الكهرباء
نزل كتب على الموبايل بتاعك تقراها لما النور يقطع
او فيديوهات تحفظها او تمارين لغة
او حتى العاب تلعبها اوفلاين ( كفترة راحة لو حصل انقطاع الكهرباء و انت بتشتغل )
بشكل عام ما تخليش انقطاع الكهرباء يوقفك عن شغلك او نشاطك
اتعامل عادي و جهز نشاط ليه تعمله مع كوباية عصير كدة و روقان
و هتتفاجيء بقى سبحان الله لما تعمل كدة .. ان قطع الكهرباء مش هيطول معاك .. هيا كدة الدنيا .. ما تفهمشي :D
النصيحة 6 :
لو تعرف تشترى جهاز UPS اشترى
ده فى حالة جهاز كمبيوتر بتشتغل عليه و محتاج توصله UPS
بس غالبا هيكون مكلف جدا و هيستلزم توصله على الراوتر
و مش هيستحمل اكتر من نص ساعة بالكتير
لهذا لو تشترى بيه لاب توب هيكون افيد و احسن و اوفر ( لو عايز رأيي )
لكن لو كان شغلك ما ينفعش على لاب توب و لازم جهاز تقيل ( زي اجهزة الماك و كدة )
.. يبقى ساعتها هيكون عائد شغلك كافي جدا انك تشترى جهاز UPS ..
و اظن هو ضرورة اكيد ليك مش عايزة كلام و هيوفر وقت و مجهود جدا جدا
النصيحة 7 :
روح على coworking space
ده لو لقيت قطع الكهربا كتير اوي في نفس اليوم
و كان الشغل عليك كتير اوي و الموضوع بقى مزعج جدا
هنا انصحك
و تدور على اي مساحة Coworking space حواليك قريبة من جوجل
اكتب cowork space near me
او coworking space near me
او coworking space
و اكتب اسم منطقتك
و تتصل بيهم و تستفسر هل لسه شغالين ( فيه بعض الاماكن بتكون قفلت فتتأكد )
و كمان تستفسر سعرهم كام فى الساعة او اليوم
ثم تاخد لاب توبك الحلو ده .. و الشنطة .. و هيا بنا نعمل
اتمشى و روح و اقعد اشتغل شوية..
تخلص مهماتك
و ترجع البيت يا بطل
و لو عندك نصايح تانية .. شاركنا بيها فى التعليقات
و لو المقالة فادتك .. فده شيء يسعدنا .. و يسعدنا لو تشير المقالة و تفيد بيها غيرك
و ربنا يعدي الأيام دي على خير و يوفقكم جميعا فى شغلكم
طبعا مشكلة كبيرة .. و المشكلة ان نسبة كبيرة من السكان و الشباب فى الدول العربية المحظورة مالهمش ذنب للحظر نتيجة عقوبات اقتصادية شاملة ( زي السودان ) او نتيجة أوضاع ارهابية مجرمة ( زي سوريا - ليبيا - اليمن ) و غيرها ..
و كمان استخدام VPN مش مفيد
لأنهم لدواعي امان الحساب بيلاحظوا اي دخول لبروفايلك من اي بيهات غريبة و بيبعتوا لك للتأكيد
طيب ايه الحل ؟
هل خلاص مفيش حل
مفيش مستحيل طالما فيه تفكير و ارادة و نيتك خير باذن الله
الحل الأول : البروفايل بإسمك
خلي وسيط ثقة يعملك البروفايل
العمل من خلال وسيط موثوق فيه يعيش فى دولة غير محظورةو يحبذ دولة أوروبية
و يحبذ يكون حد ثقة بتعرفه ( يفضل قريب او صديق أمين جدا )
فمثلا انت سورى و اسمك جمال .. مقيم فى سوريا
لكن اخوك / قريبك / صديقك سوري مقيم فى ألمانيا و اسمه مازن
ممكن تطلب منه يساعدك فى عمل بروفايل مؤقت من عنده
و متابعة العمل و الرسائل
- انك تجهز نفسك كويس اوي و تعمل بورتفوليو كويس
سواء لينكدين
او على بيهانس behance
او اي مدونة لعرض أعمالك
و ترفعها من بلدك طالما مواقع عرض الأعمال مش محجوبة
- انك تقوي نفسك جدا جدا فى المجال .. بحيث يكون قبولك و قدراتك جذابة للموقع و للزبائن بشكل قوي
فما تستعجلش على انشاء البروفايل .. قبل ما تكون مالك لقدراتك كويس اوي
طيب سؤال :
هل البروفايل المؤقت ده .. هدفه عمل ارباح ؟
الاجابة : هكون صريح معاك و اقولك احتمال ده ضعيف
لأنه غالبا بعد فترة - عدة شهور - upwork هيطلب عمل محادثة اونلاين معاك
و لازم تدخل خلال المحادثة دي من حسابك على اب ورك
و طبعا لازم تدخل من بلد انشاء البروفايل ... او بلد مش محظور
و المحادثة هتكون بالكاميرا و الميك
فساعتها احتمالية حظر لبروفايلك واردة جدا
سؤال :
طيب لزومه ايه بقى التعب و نعمل بروفايل مؤقت ؟
لعدة أسباب
1 - عشان تكسب خبرة و عدد ساعات تسجلهم فى الموقع manually
او مبالغ يتم جمعها فى الحساب
و تعمل ليها سكرين .. ده هيسهل فرص سفرك من سوريا لأقرب دولة اوروبية
لأنهم هيشوفوا عمليا انك واحد بيشتغل و عندك مهارات و اتعاملت مع اجانب
فواحد زيك اضافة يستفادوا منها جدا .. تخيل لو قدمت للسفر او الهجرة او اللجوء و عندك عدد ساعات على اب ورك 2000 ساعة رغم كل الظروف فى سوريا ؟
ده انت تبقى لقطة بالنسبة لهم و سوبر مان
2 - معرفة زبائن تقدر تاخدهم معاك برة موقع اب ورك لو الموقع حظرك
دايما تحاول تجمع وسائل تواصل بكل زبون يتواصل معاك قدر المستطاع
سواء ايميلات - فون - واتساب - فيسبوك - الخ الخ
القاعدة فى عالم الفرى لانسر .. انك ما تسعاش للفلوس
لأ خليك ذكي و اسعى للزبون اللى بيجيب فلوس .. توثيق الصلة مع الزباين هيسهل الدنيا جدا
3 - مين عارف ؟ مش يمكن مسافة ما البروفايل يشتغل و يكون فيه شغل و يطلبوا تأكيد اب ورك .. تكون ربنا سهلهالك و عرفت تسافر من سوريا ؟
ساعتها تقدر تكمل من حيث انتهى الوسيط الموثوق
الحل الثاني :
اعمل البروفايل بإسمه
اعمل تحالف مع قريب او صديق ثقةانه هنا هو اللى هيكون البروفايل على اسمه
بس انت فعليا اللى بتعمل كل الشغل
هو مجرد واجهة :
مازن - مقيم فى ألمانيا
بينما الشغل بيعمله جمال فى سوريا
هو اللي يتواصل كتابة شات مع الزبون و يبعتلك يوميا تقرير بالشغل اللى عمله
و انت اللى تتواصل صوتيا مع الزبون ( لو اضطرت ) بس غالبا مش هيلزم ده
طيب بالنسبة لسحب الأموال
هو يقدر يسحب الأموال فى ألمانيا عادي من اي وسيلة سحب بإسمه هو يقدر يطلبها و يربطها بالبروفايل
ثم يحولها لك بنفس الطرق اللى فيها السوريين اللى خارج سوريا بيحولوا او بينقلوا الفلوس او الدعم للأهالي داخل سوريا
الحل الثالث :
إنشاء موقع مستقل بيك و عرض خدماتك و تسويقها فيسبوك
هنا بتعمل موقع من خلال مدونة و تنزل فيها شغلك و تعرض خدماتك
و تدور على جروبات الزباين فى الفيسبوك و الجاليات و تعرض خدماتك بأسعار رمزية
هنا بتحاول تبني لنفسك اسم و براند و تعمل لنفسك شبكة زباين
و تعملهم خدمات بأسعار جميلة جدا ..
تقريبا خدمات شبه مجانية ليهم
بس مش هتجمع فلوس او صعب ..
لكن هتعمل شبكة زباين تكون جاهزة لشغلك لما ان شاء الله يتفك الحظر
و تنزاح الغمة
فإنت كدة كدة وقت بيضيع .. نقول على ما يتفك الحظر هيعدي تلات سنين ؟
طيب استغل التلات سنين دول فى تكوين شبكة زباين ممتازة
بحيث اول ما يتفك الحظر .. الموضوع ما ياخدش اكتر من شهر او شهرين
و تبقى كأنك على قمة هرم كنت بتبنيه فى الظلام من سنين
لأن عملية بناء الثقة مع الزباين هي اكتر مرحلة بتاخد وقت فى مسار الفرى لانسر
و ان شاء الله تنزاح الغمة قريبا جدا .. خليك متفائل و ارادة من حديد مهما كان الليل ظلام
الحل الرابع :
لو اتسدت خالص .. اتعلم و اتعلم و اتعلم
هما لو مانعينك تبعت شغل او تشتغل
مش هيقدروا يمنعوك تتعلم ..
استعين بأصدقائك و اعرف ايه اكتر مجال مطلوب و اتعلمه
تخيل خلال التلات سنين او السنة دي .. و انت بتتعلم كل يوم مجال
و تخيل بعد 12 شهر
و انت بقيت محترف فوتوشوب و خبير اندرويد و متخصص وردبريس
و مبرمج باثيون و فنان ثري دي
تفتكر بعد رفع الحظر .. هتكون بقيت ازاي ؟
هتكون بقيت زي هولك الاخضر .. العملاق الرهيب المتميز و اللى يكتسح اي فرى لانسر على مستوى العالم باذن الله :)
و هتبقى نمبر وان فى خلال شهور معدودة :)
و خصوصا لو عملت الحل 3 معاها
هتكتشف ان المحنة اللى انت فيها هيا اللى حولتك لأغلى ماسة فى عالم الفري لانسر
و انها كانت فرصة لصناعتك لنفسك كفرى لانسر متميز متعدد المجالات .. اي زبون يلاقيه .. يحس انه لقى هدية من السما .. فرى لانسر يصمم و يعمل شغل مواقع و برمجة .. و بسعر منافس .. واو .. وصلتك الفكرة ؟
يمكن هما منعوك من عمل الأفضل .. ماشي .. معلهش .. لكن
مش هيقدروا يمنعوك من تحصيل الممكن .. أبدا أبدا
حط لنفسك برنامج .. بمستويات و اشتغل كل يوم .. و بالمتاح
و فى خلال شهور .. شوف نفسك كنت فين و بقيت فين :)
الخلاصة :
و ما لا يدرك كله لا يترك جله
و اعرف ان في داخل كل محنة .. منحة
و ان الدنيا لو ضاقت عليك .. .. بيكون لهدف انك تطلع من نفسك أفضل الممكن
و تدور ازاي تقدر تلاقي فرصة متاحة ليك تركز فيها ... الباقيين ما يقدروش يركزوا فيها زيك ...
و تمنياتنا بالتوفيق ليك ..
و دعواتنا ليكم بالخير و الحفظ فى رعاية الله دايما
. و يرزقكم الخير الوفير بحق الشهر الكريم أمين
و باذن الله كل الشعوب العربية الحرة الرائعة هتنتصر ضد الظلم و الظلام و الدمار
عن طريق حب الحياة و الإيمان و العزيمة و البناء و الحرية و المستقبل
.. بكرة بتاعنا بإذن الله
تفاءل .. تفاءل و اصمدوا و النور جاي
.. حاول و اسعى بالممكن و الجاي أحسن
و ابعتلنا لو احتجت اي شيء فى الكورسات .. او كان فيه صعوبات فى النت للبحث
.. عرفنا و ابعتلنا قايمة اسماء البرامج او المجالات اللى حابب تتعلمها فى انبوكس الصفحة
و احنا ندورلك عليه مخصوص و نبعتهولك لغاية عندك
.. و اي عقبة فى طريقك .. هنحاول نساعدك على قد ما نقدر بإذن الله :)
و بالتوفيق
المقالة اجابة لسؤال
اخي استفسار صغير لو سمحت بالرغم من اني لم ابدا بعد ولكن انا في سوريا ونحن كما تعلم ليس معنا سوى الله وكل البلدان حظرونا اقتصاديا ففي هكذا حالة مثلا كيف سأحصل ما اجنيه من المال في الانترنت ؟ وشكرااا جزيييلا
كتب هذا الشرح : أ. نهى خالد
لما بتشتغل مع حد ... فيه طريقتين شغل:
- يا بالساعة Hourly rate
- ويا إما بالاتفاق Fixed price
نظام عمل
Hourly rate
(اللي بالساعة)
- بتنزل برنامج تبع أب ورك [أو : أي موقع بيوفر نفس الخدمة]
وتشغله لما تشتغل، وتقفله في غير ذلك.
- البرنامج : بيسجل عدد ساعات شغلك وإحصائيات عنها،
وشوية صور لشكل الشاشة وأنت بتشتغل
وتشغله لما تشتغل، وتقفله في غير ذلك.
- البرنامج : بيسجل عدد ساعات شغلك وإحصائيات عنها،
وشوية صور لشكل الشاشة وأنت بتشتغل
( سكرين شوت فى أوقات عشوائية اثناء ساعة شغلك )
- كل ساعة بتشتغلها حسب العقد .. بتنتهي بتسحب فلوس ليك حسب اجر الساعة اللى اتفقت عليه مع العميل
- كل ساعة بتشتغلها حسب العقد .. بتنتهي بتسحب فلوس ليك حسب اجر الساعة اللى اتفقت عليه مع العميل
فى العقد اللي بعتهولك تحت مسمي OFFER
- والطريقة دي :
بتسحب لك الفلوس أوتوماتك من العميل، فبالتالي مضمونة 100%
ومفروض متشغلش بالك فيها بالفلوس خالص؛ ﻷن حتى لو العميل حصل وجري أي حاجة عنده
أب ورك ملزمين يدفعوا لك هما الفلوس.
وهما كدة كدة بيبقوا واخديين إحتياطاتهم مع العميل كويس ( ضمان مسبق منه )
- والطريقة دي :
بتسحب لك الفلوس أوتوماتك من العميل، فبالتالي مضمونة 100%
ومفروض متشغلش بالك فيها بالفلوس خالص؛ ﻷن حتى لو العميل حصل وجري أي حاجة عنده
أب ورك ملزمين يدفعوا لك هما الفلوس.
وهما كدة كدة بيبقوا واخديين إحتياطاتهم مع العميل كويس ( ضمان مسبق منه )
نظام عمل
Fixed price
(اللي بالإتفاق )
Fixed price
(اللي بالإتفاق )
- هي اللي بيبقى فيها قلق بسيط، بس بتتفق بشكل milestones،( دفعات مالية محددة )
ويدفع لك كل فترة جزء.
ويدفع لك كل فترة جزء.
وهكلم عموما عن الفروقات بين الطريقتين فيما بعد
بس في الحالتين:
مجرد ما الفلوس تيجي لك من العميل بتبقى في اﻷكونت بتاعك في أب ورك.
و كل ما تصبر على فلوس أكتر تتجمع، كل ما يبقى أفضل
مجرد ما الفلوس تيجي لك من العميل بتبقى في اﻷكونت بتاعك في أب ورك.
و كل ما تصبر على فلوس أكتر تتجمع، كل ما يبقى أفضل
فيه ناس عندها فهم غلط
بأن أول ما تستلم الفلوس من العميل لازم تاخدها..فعشان كدة بتفضل تلف لفة هسحب الفلوس أزاي من قبل ما تقدم على شغل أصلا
بس ده غير صحيح
الفلوس بتفضل في اﻷكونت بتاعك لحد ما تظبط بيانات تحويل الفلوس عادي.. وحتى لما بتظبطها ينفع تعملها كل 3 شهور مرة..ولو معك أقل من 1000$ ينفع يستناك لحد ما تكملهم عادي
يعني الخلاصة
إنت مش ملزم تضيف وسيلة سحب فلوس لحسابك فى اب ورك الفلوس من اي شغل بتروح لحسابك عادي فى اب ورك و بعدين تقدر تسحبهم بأى وسيلة تعملها عادي
عشان نبقى خلصنا كل حاجة عن الفلوس في أب ورك
- أب ورك بياخد نسبة 20% دلوقتي لما بتشتغل مع عميل جديد
لحد أول 5000$ تعملها مع العميل ده
بعدين النسبة بتنزل ل10%
ولو وصلت ل10000$ النسبة هتنزل 5%
- أب ورك بياخد نسبة 20% دلوقتي لما بتشتغل مع عميل جديد
لحد أول 5000$ تعملها مع العميل ده
بعدين النسبة بتنزل ل10%
ولو وصلت ل10000$ النسبة هتنزل 5%
للمزيد من الشرح المفصل .. راجع مقالة
- فالناس اللي عايزة تجرب أب ورك..تبقى ناوية تكمل فيه
..ﻷن لو أنت مش هتكمل يبقى فيه مواقع تانية كتير هتبقى مربحة أكتر للشغلانات السريعة
بس هكلم على النقطة دي في مقالة تانية إن شاء الله
و بالتوفيق
كتب هذا الشرح : أ. نهى خالد
حابة أساعد اللي بيبدأوا شغل أون لاين، بما أن بقالي سنتين الحمد لله عن طريق أبر ورك،
أكبر غلطة بشوفها في اللي بيبدأ جديد..:
هو أنه بيفضل يسأل عن طرق الدفع والبنك والتفاصيل دي كلها
ويخلص كل طاقته وفي اﻷخر ميجبش شغل ولا حتى يبقى ظبط طرق الدفع
مجرد لف وبيسأل على أقل حاجة أهمية في الموضوع.
و لهذا نصيحة أساسية
لازم تعرف ان فى الفرى لانسر باب رزق عظيم جدا جدا لكل واحد درس محاسبة او تجارة .. و ده لعدة اسباب
أولا : أسعار المحاسبين الأجانب
برة سعر المحاسب التجاري ( اللى بيعمل حسابات المشاريع )
.. عالي جدا جدا بيوصل على الأقل ل 11 دولار فى الساعة !
ده البداية بس , و ده سعر صعب اوي على المشاريع الصغيرة و المتوسطة
يعني مثلا صاحب مطعم همبرجر صغير عجوز فى كاليفورنيا ..
هيجيب منين محاسب يدفعله 100 دولار فى يوم .. ؟
بينما ممكن يكون دخل المطعم نفسه 200 دولار فى اليوم ..
فالموضوع مكلف .. حتى فى امريكا او اوروبا
ثانيا : الخوف من الأخطاء
الضرايب فى اوروبا و امريكا مفيهاش هزار لو تكرر الغلط .. خطأ واحد فى الحسابات ممكن يوصل لغرامة صعبة او لإنذار قوي او حبس او قفل المشروع ..
لهذا اصحاب كل مشروع فى امريكا بيراجعوا الحسابات مرة و اتنين و عشرة
و ده يستلزم انه ما ينفعش يعتمد على محاسب واحد فقط او مكتب واحد فقط
بل يفضل جدا جدا .. يستعين بخدمة أكتر من محاسب
و هنا برضه تكلفة الخدمة بتزيد ( راجع السبب الأول )
ثالثا : صعوبة الوصول
مكاتب المحاسبة مش متوفرة فى كل حتة .. الولايات المتحدة و كندا مثلا فيها مناطق بعيدة .. مساحة كندا هي قد مساحة الوطن العربي .. و عدد سكانها اقل من مصر
يعني انا كصاحب مطعم لو عاوز ادور على محاسب جغرافيا .. هلاقي اختيارات قليلة و مش كتيرة زي ما انتا متخيل
لهذا اغلب خدمات المحاسبة فى امريكا و اوروبا و كندا هي اونلاين
بس سعرها ( راجع السبب الأول )
فهنا اصحاب المشاريع الصغيرة .. صاحب مطعم الهمبرجر اياه بيدخل اونلاين
و بيتواصل مع محاسبين امريكان
بس اذا كان كدة كدة بيدخل اونلاين
طب هيفرق معاه لو دخل و تواصل مع محاسب هندي او مصري او تايلاندي ؟
لو كان الانجليزي بتاعهم كويس
و خدمتهم فعلا متقنة
و بيبعت الشغل فى ميعاده
و دقتهم عظيمة
و تواصلهم ممتاز مع الزبون
يبقى مفيش فرق
بل يعتبر ميزة .. لو كان سعره مثلا مثلا 5 دولار فى الساعة ؟؟؟ ( 90 جنيه مصري )
ده يعتبر بالنسبة لصاحب المطعم العجوز ده .. لقطة
بعد ما تفهم الاسباب الثلاثة دي كويس اوي
تخيل بقى نفسك شغال محاسب
و بتعمل حسابات يوميا لكذا مشروع فى كذا مكان
على الاقل مثلا قول ساعتين بس كل يوم
يعني 60 ساعة فى الشهر = 300 دولار شهريا
يعني مرتب لوحده كدة بتعمله جنب شغلك
و انت قاعد فى البيت حضرتك
لكن هل هتوصل للحكاية دي بسهولة ؟
لأ طبعا و بتاخد وقت
بس هل بتحصل ؟
بتحصل و ممكن لو بتشتغل على نفسك و بتحاول كل يوم .. ممكن توصل لأكتر من كدة
طيب تبتدي ازاي ؟
الخطوة 1 :
لازم تدرس لغة انجليزية و تقوي نفسك فيها كويس اوي
و تدرس مصطلحات المحاسبة و كلمات التعامل مع الزباين و كل ما يتعلق بالمجال
( و كل ما تلاقي ثغرة بالتعامل مع الزباين او غلطة .. تتعلم و تشوف وقعت فين و تطور نفسك فيها )
الخطوة 2 :
لازم تدور على كورسات محاسبة على يوتيوب ( بالانجليزي )
ازاي تعمل ميزانية و تعمل حسابات و كل تفاصيل المشاريع
بس تتعلم من الأجانب
لأن كدة هيبقى مستواك فى ذات مستوى المحاسب الأجنبي بالضبط
و هتكتشف ان 90% من كورسات المحاسبة الاجنبية .. مجانا !!
اه و الله !
و مش كدة بس .. ده لو دورت ممكن تلاقي كورسات شرح التجارة و البيزنس لجامعات عالمية امريكية و بريطانية .. و ساعات على اليوتيوب متاحة مش لاقية حد يسمعها
( لو عاوز نعمل موضوع مخصوصص للكورسات الأجنبية فى اي مجال , ابعتلنا على الصفحة و نعملك بوست مخصوص )
فالموضوع متاح .. خصص بس وقت كل يوم
و كوباية شايك .. دفترك .. ملاحظات .. و طبق اللى اتعلمته
و بعد شهرين كدة .. هتبقى فى حتة عالمية و مستوى خبرة ممتاز
و طبعا التعليم ده يستمر معاك طول الوقت
الخطوة 3 :
ابتدي طبق اللى اتعلمته و بالانجليزي بتاعك اعمل نماذج شغل فى مجالك
و اعمله فى مدونة .. اشرح بتعمل ايه
و خدماتك الممتازة
و ايه العروض اللى بتعملها
زي اي محاسب فى مصر بيعرض خدماته على اصحاب المشاريع فى مصر
اعمل كدة بالضبط بس فى مدونة تعملها و تملا محتواها بالانجليزي
حط فى المدونة كمان مقالات موجهة للزباين الامريكان .. تشرحلهم ازاي يعملوا كذا و يخلوا بالهم من ايه .. حاجات معلومات مجانية .. تفيدهم .. و تعرفهم انت فاهم فى مجالك و لا لأ
الخطوة 4 :
قسم شغلك لخدمات صغيرة .. ابتدي بأسعار عادية .. مش عالية
ركز فى الشغل اللى بيحتاج مجهود و اتقان
و اعرض خدماتك فى بروفايلك فى مواقع الفرى لانسر زي فيفر
و تابع كل يوم و فكر فى تطوير شغلك
و ابعت كل يوم و فكر ليه اترفضت ؟ و دور على الثغرة و قوي نفسك
و ابدع بقى و انطلق
يعني لو تعرف تعمل كتب PDF صغيرة للزباين الامريكية ؟ اعمل ..
اعمل فيديو صغير بالاجنبي ؟ ليه لأ ؟
ابدع و جرب .. و اتعامل كأنك خبير عالمي و معلم و احنا منك نتعلم :)
.. ليه لأ ؟ ما تستبعدش فكرة .. هتخسر ايه ؟ هتكسب خبرة اقل حاجة .. صح ؟
و مفيش حدود للتجربة و الإبداع
اشتغل كدة و ابتكر و ابدع .. وريهم الشغل بقى .. :)
و لو صادفتك اي عقبات ابعتلنا
و لو فيه اي حاجة مش واضحة عرفنا فى التعليقات
و ابعتلنا دايما بأسئلتك على الانبوكس
و لو السؤال شايف اجابته مفيدة .. خليك حبوب و شير البوست :)
انشره عندك و خلي الفايدة تعم عليك و على صحابك :)
هدفنا نساعدكم و ننقلكم خبرتنا البسيطة فى تسهيل طريقكم
اجابة لسؤال :إيه الاقتراح لمجالات لخريج تجارة محاسبة ؟
السؤال ده متكرر كتير اوي .. و هو سؤال معقد
تعالوا طيب نجاوبهم جزئية جزئية
السؤال 1 :
ايه اكتر و اسرع مجالات مطلوب كفرى لانسر ؟
كل المجالات مطلوبة .. و نسبة الطلب بتتناسب عكسيا مع سهولة المجال
يعني لو كان المجال سهل تعلمه
.. فيبقى اللي جاهزين يعملوا الشغل كتير
فبيبقى سعر المشاريع فيه اقل من المجالات التانية
بينما لو كان المجل صعب تعلمه و اتقانه ..
و اللي جاهزين يعملوا الشغل فيه قليلين
فيبقى سعر المشاريع فيه أعلى بكتير من المجالات التانية
مثلا لو مجال داتا انتري ( كتابة و تفريغ بيانات مكتوبة من صور مستندات مثلا )
دي سهل تتعلمها فى اقل من اسبوع
فيبقى لما تدخل المجال .. هتلاقي فيه مثلا مليون واحد داتا انترى
يستتبع ذلك ان المشاريع اللى هتنزل هتكون اقل
و لو نازلة كتيرة .. هيكون سعرها اقل
بينما لو مجال برمجة C+ ده مجال معقد و صعب و تقيل
و احيانا تعلمه بياخد شهور
فيبقى لما تدخل المجال هتلاقي مثلا الف واحد بس
و المشاريع اللى بتنزل هتكون نفس الرقم او اكثر حتى عشر اضعاف
بس الشغل يكفي الجميع و سعره عالي كمان اوي
اتمنى تكون وصلت النقطة
سهولة التعلم لأى مجال بتتناسب عكسيا مع المكسب
الحكاية مش إنك "تكسب فى اسرع وقت "
.. الحكاية تكسب "قد ايه "
فكر على المدى الطويل .. تكسب صح
السؤال 2 :
طيب اتغلب ازاي على صعوبة التعلم .. ازاي اتعلم و اتقن المجال بسرعة ؟
السر هو فى كلمة واحدة :
انك تكون بتحب المجال فعلا
لو بتحب المجال .. ساعتها تعلمه هيكون أسهل عليك من اي حد تاني
لو بتحب المجال .. هتقعد ساعات اكتر تتعلمه تلقائي
الموضوع هيبقى لذيذ و التعب بتاعه مش هتحس بيه خالص
و هتكون اسرع فى تعلمه من اي حد تاني غيرك
السؤال 3 :
تعرف منين انك بتحب المجال فعلا مش عشان الفلوس ؟
ببساطة فكر " لو مفيش فلوس .. هل هنبسط و استمتع بالتعلم ده ؟ "
هل انا فعلا عاوز اتعلم اعمل تطبيق اندرويد او برنامج ؟
هل هنبسط لو رسمت اللوحة دي ؟ او عزفت المزيكا دي ؟ هل هنبسط لو عملت التصميم ده او النقش ده ؟
السعى للانجاز و الانبساط بيه = سر حب المجال = الاتقان
و بعدها بيؤدى لنقطة التميز
يعني ايه اتميز فى المجال ؟
الفرى لانسر بيكافيء اللى يتميز فى مجاله .. انه بيطلب من الزباين اكتر
المتميز فى اي مجال نسبة لا تزيد على 10% مثلا
فدول مع الوقت و خبرتهم المتزايدة و اتقانهم للعمل بحب
بيزيد سعرهم عن غيرهم فى نفس المجال
فالتميز سره الحب و عشق المجال
دي المعادلة اللى حاولت اشرحها ببساطة
جايز البعض يستسهل و يقولك اتعلم اي حاجة .. انجز .. بلاش تضييع وقت
بس الطريق الصح
بيودي لنتايج صح
و على فكرة .. هو طريق صح و سهل
مش سريع ممكن .. بس صح و سهل ..
و هيعمل فعلا الهدف برضه : تحقيق مكاسب مادية محترمة و مرضية ان شاء الله
جرب و امشي فى الطريق ده .. و ان شاء الله مش هتندم
دي خلاصة تجربة سنوات و محاولات و خطأ .. و احنا معاك
و لو صادفتك اي عقبات ابعتلنا
و لو فيه اي حاجة مش واضحة عرفنا فى التعليقات
و ابعتلنا دايما بأسئلتك على الانبوكس
و لو السؤال شايف اجابته مفيدة .. خليك حبوب و شير البوست :)
انشره عندك و خلي الفايدة تعم عليك و على صحابك :)
و اعمل لايك عشان ده بيشجعنا لفايدة الغير
هدفنا نساعدكم و ننقلكم خبرتنا البسيطة فى تسهيل طريقكم
هذه المقالة اجابة على سؤال ايه اكتر واسرع مجالات مطلوبة كفري لانسر
عشان اتقنها واشتغلها واقدر اكسب منها في اسرع وقت؟
لو إنت واحد عاوز تدخل مجال الفرى لانسر و لسه بتبدأ تتعلم مجال مجديد
فأنا حابب اقولك أول حاجة تحية ليك و برافو و كويس انك حددت مجالك و ابتديت تتعلم فيه
طريق الألف ميل يبتدي خطوة .. برافو انك بدأت و ان شاء الله هتوصل
.. امشي كل يوم خطوة و هتوصل
.. ثق في كدة تماما .. الموضوع مرتبط انك تمشي كل يوم خطوة .. لو عملت كدة .. هتوصل .. بإذن الله
نيجى بقى للسؤال
سؤالك الحقيقي هو :
ازاي اربط اللى بتعلمه فى مجال التطبيقات ( و الاندرويد .. مثلا )
عن طريق الشغل او التطبيق العملي فى الشغل و السوق
او :
" ازاي اطبق اللى اتعلمته و اعمل تطبيق ؟"
الاجابة بمنتهى البساطة و السهولة بعمل خمس خطوات
الخطوة 1 : ابحث .. هو الشغل مشاريعه ايه فى المجال ده ؟
ابحث مجالات العمل اللى بتنزل في أي موقع فرى لانسر أجنبي او عربي
و شوف ايه اكتر الطلبات اللى بتنزل :
فيه مواقع مفتوحة , و فيه مواقع الاشتراك فيها سهل .. و فيه مواقع بتنشر خدمات اللى فيها
.. شوف اي موقع من دول و ما تعملش اشتراك حتى
فقط خش و خد فكرة عامة .. شوف اغلب المشاريع ايه .. او اغلب الخدمات ايه
شوف برضه اعلانات طلبات التشغيل سواء فى النت او الجرايد
شوف بيطلبوا ايه
خش كمان على مواقع الناس التقال فى المجال .. شوف اغلب شغلهم بيعملوا ايه ؟
مثلا ممكن تلاقي اغلبهم بيعملوا تطبيقات ألعاب او تطبيقات جيمز أطفال
او مثلا تلاقي أغلبهم بيعملوا تطبيقات اخبار أو تطبيقات عرض أفلام
او تطبيقات دعاية او بيع منتجات
ممكن تلاقي بعضهم بيعمل خدمة مراجعة .. الخ الخ
مطلوب هنا بس تعمل بحث عام تعرف بيه ( من غير تخمين )ايه اغلب الحاجات
سجل اسم المشروع بشكل عام و نوعه ... هتلاقي حاجات كبيرة و صغيرة .. و حاجات معقدة و حاجات بسيطة ..
و اعمل بيهم قايمة
الخطوة 2 : نفلتر بقى .. و نرتب كدة
فلتر الحاجات دي .. كدة رتب الخدمات و المشاريع دي .. من الأكثر أهمية بالنسبة لك .. للأقل اهمية
معيار ده : هل هتكون مبسوط و فخور انك عملت الكلام ده ؟
ممكن مثلا ما تكونش مهتم من تطبيقات الالعاب ..
او ممكن تكون مهتم ..
انت عارف ايه اللى بتحبه من انواع التطبيقات او المشاريع
و ايه اللى مش بتحبه
رتبهم بقى من الأكثر اهمية ليك
للأقل اهمية
لو كانوا 100
فرقم 1 يكون الأكثر اهمية
الخطوة 3 : ركز
ركز على الأسهل فيهم
بعد ما تركز على اكثر مشاريع بتحبها .. اعزلهم من القايمة ( مثلا اكتر 5 - 10 مشاريع )
و شوف كدة بالبحث عنهم ... و التحرى اونلاين .. و سؤال الخبراء فى الجروبات
مين اسهل فى دول ؟
ممكن يكون تطبيق اللعبة اعقد من تطبيق عرض سوق الكتروني
او العكس .. شوف و دور
و رتبهم من الأسهل للأصعب
الأول فى القايمة يكون الاسهل ..
و الاخير هو الاصعب
و بنكرر :
كلهم مشاريع بتحب تعملها ..
الخطوة 4 : ابدأ شغل .. و قسم المشروع لمهام صغيرة
تبتدي تتعلم بالشغل ..
و اشتغل على أول مشروع ( الاسهل فيهم )
و فصصه لمهمات صغيرة اوي اوي ( جدا )
مثلا ( مثال ركيك شوية )
لو كان لعبة .. محمد صلاح بيجرى ورا كرة .. يبقى مثلا تفصصها لمهمة
( محمد صلاح بيتحرك لوحده / الكرة بتجري / لوجو ظهور كلمة جول لو عمل جول )
و تحاول تتعلم ازاي اعمل كل مهمة من دول مثلا
هنا تشتغل انك كل يوم بتتعلم و تطبق
انك ازاي تعمل حاجة صغيرة اوي
عشان تعمل المشروع ده ( الاسهل ) بالتدريج
..
الفكرة انك هتغلط و هتلاقي التطبيق ساعات مش زي الوصف
و هتقع و تغلط و تعك .. بس شوية شوية هتكتسب خبرة عظيمة فى مشروع عملي
و فى النهاية بعد وقت طويل او قصير .. هتخلص المشروع
و هتكون فرصة كويسة ترفعه فى مكان او حتى صور ليه
و تحطه فى البورتوفوليو بتاعك
الخطوة 5 : كرر و اكتسب خبرة
مع كل مشروع بتخلصه , تخش فى المشروع اللي بعديه (_ الاكثر صعوبة شوية )
و تفصصه بنفس طريقة خطوة 4
و تقعد كدة لغاية ما تخلص كذا مشروع
مع المشروع 10
انت هتكون مش فاهم كل الاندرويد .. صحيح !
بس هتكون فاهم كويس اوي ما يساعد انك تنفذ المشاريع ( اللى من النوع ده )
و مش كدة و بس
هتكون جاهز انك تدور فى مواقع الفرى لانسر
على شغل ( فيهم ) و هتكون قادر تنفذهم بكفاءة عالية
اه صحيح لسه ما خلصتش تعليم فى المجال
و لازم تستمر فى التعلم بنفس الطريقة دي و غيرها
و تخصص وقت ثابت للتعليم كل يوم
بس هتكون ربط التعليم بالتطبيق بشكل عملي
و بدأت تقدم و تحاول فى السوق و انت لسه بتدرس المجال
الحكاية مش سهلة .. انا عارف
و انا حاولت ابسط الموضوع قدر المستطاع
بس صدقني هتنجح لو خصصت وقت و جهد و اشتغلت فى اللي بتحبه
بالتوفيق و لو صادفتك اي عقبات ابعتلنا
و لو فيه اي حاجة مش واضحة عرفنا فى التعليقات
و ابعتلنا دايما بأسئلتك على الانبوكس في الصفحة
و لو السؤال شايف اجابته مفيدة .. خليك حبوب و شير البوست عندك و خلي الفايدة تعم عليك و على صحابك
و اعمل لايك عشان ده بيشجعنا لفايدة الغير
فقرة #Q&A
شروحات فرى لانسر
المقالة اجابة على سؤال" مساء الخير .. انا بس كان عندى سؤال لو تكرمتم الإجابة عليه .. انا حددت المجال وهو ( انشاء تطبيقات اندرويد ) وحددت اللغة وهى ( جافا ) وبالفعل بدأت اتعلم ومتابع دروس وبدأت مبدئيا بالخوارزميات قبل ما ابدأ باللغة .. بس السؤال هنا بقا .. انا مشتت من الأرقام والكلام دة كله .. عايز اعرف ازاى بعد م اتعلم دول هعمل برنامج يعنى بمعنى أدق محتاج توضيح بعد م اتعلم دول ايه اللى هيتم بعدها عشان ابدأ اعمل تطبيق ؟ واسف ع الإطالة ☺ "
||| أولا : فيه مجالات كتير للفيديو فى عالم الفرى لانسر و متنوعة جدا
و معظم طلبات الفيديو بتكون أشهرها فى مواقع الفرى لانسر من زباين و شركات عاوزة الأنواع دي
هنشرحها سريعا
النوع الأول من الطلبات
فيديوهات موشن جرافيك
عشان شرح تطبيق او فكرة او موقع او طريقة التسجيل او المشاركة في موقعها او الدفع او رص كلمات بطريقة فنية
متوسط المشروعات دي بيكون بين 300 دولار فما أعلى للفيديو الواحد
و التمن بيتغير حسب المجهود المطلوب و التعديلات عليه
الموشن الجرافيك هو عبارة عن انفوجرافيك بصري
و تنفيذه غالبا من برنامج after effects
طيب ازاي تتعلم تعمل فيديو موشن جرافيك ؟
نزل اي نسخة من after effects
و بعدها شوف الشروحات دي هنا
https://www.youtube.com/playlist?list=PLpWEtUjzDQ2OPe7WFWR2Ve_mKkQxMog9a
https://www.youtube.com/watch?v=HcHq9XjGuzc
و هنا
https://www.youtube.com/watch?v=0VIwGNrKCPc
و هنا
https://www.youtube.com/watch?v=VIU_pm8j7t4
و هنا
https://www.youtube.com/watch?v=8HAmxltHt5E
النوع الثاني
فيديوهات مونتاج
و دي بيكون فيها مجهود كبير و متنوع
أغلبه ان الزبون يجيبلك فيديو خام
و يطلب عمل مونتاج ليه عشان يرفعه فى قناة اليوتيوب الخاصة بيه
مجرد مونتاج بسيط
و ممكن شوية حاجات بسيطة على الفيديو زي اللوجو او صور صغيرة تتحط جنب المتحدث
و هنا المجهود فنيا بسيط لكن بيستلزم ساعات طويلة
و اجر الفيديوهات دي بيختلف من مشروع لمشروع
خصوصا ان اغلب الزباين بيكونوا فلوجر ( مدونين فيديو و اصحاب قنوات يوتيوب صاعدة )
فبيكون غالبا منخفض , عن فيديوهات الموشن جرافيك
اغلبها بتتعمل او بتنفذ ببرنامج adobe premier
* الصديق أحمد أبو زيد عامل شرح عظيم لتعلم بريمير فى أقل من ساعة
https://www.youtube.com/watch?v=Gy46eYYI5KA
و ده كورس عربي لمصطفى مكرم عن البرنامج
https://www.youtube.com/watch?v=f4EwpeqbUrY&list=PLZ5zEGbaMXXUeWnaYFycrGIBjK7R4k1_n
النوع الثالث
فيديوهات بخدع و مؤثرات بصرية
و دي بيكون ان مطلوب يتعمل خدع او مؤثرات بصرية , زي انترو حلو
او مؤثر بصري للترفيه او لتجميع فيديوهات بشكل جميل ( زي البوم ) او ( اعلان )
و دي بيكون مقابل كل فيديو حسب المطلوب
و اغلبها بيتم بواسطة برنامج After effects
دور على يوتيوب و جوجل بكلمة After effects
و معاها كلمات زي
tutorial أو introduction أو 101
و هتلاقي شروحات كتيرة جدا
ده مثال منها بدايات البرنامج فى اقل من 20 دقيقة
https://www.youtube.com/watch?v=6tR3fpv4Aco
النوع الرابع :
فيديوهات ثلاثية الأبعاد
و دي بتكون عمل شخصيات ثلاثية الأبعاد ( زي الكارتون )
و سعرها بيكون عالي و حسب الوقت و التحريك و المطلوب تفصيلا
و غالبا سعرها بيكون أعلى من الموشن جرافيك عادة لأن المجهود تقنيا مبذول اعلى و اعقد و اكثر صعوبة
و بتتعمل ببرامج مختلفة منها برنامج بليندر blender
شرح و مثال عليها
https://www.youtube.com/watch?v=VT5oZndzj68
||| ثانيا : ازاي تبدأ بالفيديوهات فى عالم الفرى لانسر
بعد ما تحدد المجال اللى انت عاوز تعمله فى الفيديوهات
( موشن جرافيك / مونتاج / مؤثرات بصرية / ثلاثية الأبعاد )
كل اللى عليك تعمل قناة يوتيوب خاصة برفع أعمالك فى المجال ده
اعمل حوالي 5 - 10 فيديوهات توضح قدراتك فى المجال ده
و تكون بعناوين باللغة الإنجليزية لو عاوز تستهدف جمهور اجنبي
او عربي لو عاوز تستهدف جمهور عربي
و تكون مختلفة و متنوعة
و كل ما يكون الفيديوهات اكتر , كل ما يكون احسن
( و لو عاوز نصيحتي , استغل وقت الانتظار لغاية ما زبون يطلبك , فى انك تعمل فيديوهات اكتر )
||| ثالثا : اعمل بروفايل على اي موقع من مواقع الفرى لانسر
ابتدى و اعمل بروفايل على اي موقع متاح ليك
سواء upwork او فرى لانسر
او فيفر ( و اعمل خدمة عمل فيديو قصير بخمسة دولار مثلا )
أو people per hour
روابط المواقع المذكور أسمائها
https://www.upwork.com
http://www.freelancer.com
https://www.peopleperhour.com
https://www.fiverr.com/
ملحوظة مهمة جدا :
و احرص تكون مش مسجل كواحد بيعمل فيديوهات و بس
انما واحد متخصص اكتر
يعني ما تقولش video editing لكن خليها حاجة متخصصة motion graphic expert
حاجة زي كدة
و كل ما يكون الفيديوهات بتاعتك قوية و منوعة و كتير
( الفيديوهات اللى عملتها فى قناة اليوتيوب الخاصة بيك )
كل ما ده هيكون سبب فى قبولك أكتر فى المواقع دي
و حط روابطهم فى وصف الفيديوهات اللى رفعتها على قناتك فى اليوتيوب
لو مش عارف ازاي تعمل بروفايل على موقع فرى لانسر بعينه او بشكل عام
اكتب ده فى التعليقات او ابعته كسؤال و هنجاوبه ان شاء الله
||| رابعا : اعمل حساب على تويتر خاص بالخدمة
الخدمة دي اللى بتقدمها ابتدي اعمل حساب على تويتر خاص بيها
و ابتدي روج الخدمات و بروفايلك و الفيديوهات اللى بتعملها
على اشهر التريندات او رد بالتعليقات على اللي بيعملوا فيديوهات حلوة
و علق بشكل فني يوضح ايه الحلو فى الفيديو و انه كان ممكن يتعمل بشكل فلاني احسن
||| خامسا : ابتدى دور على قنوات اليوتيوب الشهيرة المدونين أو جروبات الفيسبوك الخاصة بالمونتاج و عمل الفيديوهات
و ابتدي اعمل تعليقات عندهم و اعرض خدماتك فى عمل الفيديوهات بجودة ممتازة و اسعار مناسبة
و طبعا لو بتستهدف جمهور أجنبي غير لو بتستهدف جمهور عربي
||| سادسا : قوي لغتك الإنجليزية و ده لو عاوز تستهدف جمهور أجنبي
( و ده اللى بننصح بيه لو عاوز أسعار حلوة و تناسب المجهود اكتر و زباين ألطف فى التعامل معاك و تقدير لمجهودك )
||| سابعا : دور كل يوم فى مواقع الفرى لانسر
خصص كل يوم فترة على الأقل ساعة .. مخصصة للتدوير
خلي نصها للترويج لخدماتك ( سواء فى الجروبات او تويتر )
و النص التاني للبحث عن فرص العمل و المشاريع اللى بتنزل بمواقع الفرى لانسر اللى قبلت بروفايلك
و استمر اثناء ذلك بتحديث قناتك , كل فترة خلي الفيديوهات تزيد
من 10 فيديوهات لغاية ما تبقى 50 فيديو
كل ما رصيدك يزيد من الفيديوهات اللى بتعملها
كل ما خبرتك و ايديك هتتطور و تكتسب خبرة اكتر
و كل ما ده هيكون قاعدة قوية تسهل تقديمك اكتر و اكتر
لو فيه اي حاجة مش واضحة عرفنا فى التعليقات
و لو السؤال شايف اجابته مفيدة .. خليك حبوب و شير البوست عندك و خلي الفايدة تعم عليك و على صحابك
و اعمل لايك عشان ده بيشجعنا لفايدة الغير
و ابعتلنا دايما بأسئلتك على الانبوكس
فقرة Q&A
شروحات فرى لانسر
#Q&A
#مجالات_الفرى_لانسر
و معظم طلبات الفيديو بتكون أشهرها فى مواقع الفرى لانسر من زباين و شركات عاوزة الأنواع دي
هنشرحها سريعا
فيديوهات موشن جرافيك
عشان شرح تطبيق او فكرة او موقع او طريقة التسجيل او المشاركة في موقعها او الدفع او رص كلمات بطريقة فنية
متوسط المشروعات دي بيكون بين 300 دولار فما أعلى للفيديو الواحد
و التمن بيتغير حسب المجهود المطلوب و التعديلات عليه
الموشن الجرافيك هو عبارة عن انفوجرافيك بصري
و تنفيذه غالبا من برنامج after effects
طيب ازاي تتعلم تعمل فيديو موشن جرافيك ؟
نزل اي نسخة من after effects
و بعدها شوف الشروحات دي هنا
https://www.youtube.com/playlist?list=PLpWEtUjzDQ2OPe7WFWR2Ve_mKkQxMog9a
https://www.youtube.com/watch?v=HcHq9XjGuzc
و هنا
https://www.youtube.com/watch?v=0VIwGNrKCPc
و هنا
https://www.youtube.com/watch?v=VIU_pm8j7t4
و هنا
https://www.youtube.com/watch?v=8HAmxltHt5E
فيديوهات مونتاج
و دي بيكون فيها مجهود كبير و متنوع
أغلبه ان الزبون يجيبلك فيديو خام
و يطلب عمل مونتاج ليه عشان يرفعه فى قناة اليوتيوب الخاصة بيه
مجرد مونتاج بسيط
و ممكن شوية حاجات بسيطة على الفيديو زي اللوجو او صور صغيرة تتحط جنب المتحدث
و هنا المجهود فنيا بسيط لكن بيستلزم ساعات طويلة
و اجر الفيديوهات دي بيختلف من مشروع لمشروع
خصوصا ان اغلب الزباين بيكونوا فلوجر ( مدونين فيديو و اصحاب قنوات يوتيوب صاعدة )
فبيكون غالبا منخفض , عن فيديوهات الموشن جرافيك
اغلبها بتتعمل او بتنفذ ببرنامج adobe premier
* الصديق أحمد أبو زيد عامل شرح عظيم لتعلم بريمير فى أقل من ساعة
https://www.youtube.com/watch?v=Gy46eYYI5KA
و ده كورس عربي لمصطفى مكرم عن البرنامج
https://www.youtube.com/watch?v=f4EwpeqbUrY&list=PLZ5zEGbaMXXUeWnaYFycrGIBjK7R4k1_n
النوع الثالث
فيديوهات بخدع و مؤثرات بصرية
و دي بيكون ان مطلوب يتعمل خدع او مؤثرات بصرية , زي انترو حلو
او مؤثر بصري للترفيه او لتجميع فيديوهات بشكل جميل ( زي البوم ) او ( اعلان )
و دي بيكون مقابل كل فيديو حسب المطلوب
و اغلبها بيتم بواسطة برنامج After effects
دور على يوتيوب و جوجل بكلمة After effects
و معاها كلمات زي
tutorial أو introduction أو 101
و هتلاقي شروحات كتيرة جدا
ده مثال منها بدايات البرنامج فى اقل من 20 دقيقة
https://www.youtube.com/watch?v=6tR3fpv4Aco
النوع الرابع :
فيديوهات ثلاثية الأبعاد
و دي بتكون عمل شخصيات ثلاثية الأبعاد ( زي الكارتون )
و سعرها بيكون عالي و حسب الوقت و التحريك و المطلوب تفصيلا
و غالبا سعرها بيكون أعلى من الموشن جرافيك عادة لأن المجهود تقنيا مبذول اعلى و اعقد و اكثر صعوبة
و بتتعمل ببرامج مختلفة منها برنامج بليندر blender
شرح و مثال عليها
https://www.youtube.com/watch?v=VT5oZndzj68
||| ثانيا : ازاي تبدأ بالفيديوهات فى عالم الفرى لانسر
بعد ما تحدد المجال اللى انت عاوز تعمله فى الفيديوهات
( موشن جرافيك / مونتاج / مؤثرات بصرية / ثلاثية الأبعاد )
كل اللى عليك تعمل قناة يوتيوب خاصة برفع أعمالك فى المجال ده
اعمل حوالي 5 - 10 فيديوهات توضح قدراتك فى المجال ده
و تكون بعناوين باللغة الإنجليزية لو عاوز تستهدف جمهور اجنبي
او عربي لو عاوز تستهدف جمهور عربي
و تكون مختلفة و متنوعة
و كل ما يكون الفيديوهات اكتر , كل ما يكون احسن
( و لو عاوز نصيحتي , استغل وقت الانتظار لغاية ما زبون يطلبك , فى انك تعمل فيديوهات اكتر )
||| ثالثا : اعمل بروفايل على اي موقع من مواقع الفرى لانسر
ابتدى و اعمل بروفايل على اي موقع متاح ليك
سواء upwork او فرى لانسر
او فيفر ( و اعمل خدمة عمل فيديو قصير بخمسة دولار مثلا )
أو people per hour
روابط المواقع المذكور أسمائها
https://www.upwork.com
http://www.freelancer.com
https://www.peopleperhour.com
https://www.fiverr.com/
ملحوظة مهمة جدا :
و احرص تكون مش مسجل كواحد بيعمل فيديوهات و بس
انما واحد متخصص اكتر
يعني ما تقولش video editing لكن خليها حاجة متخصصة motion graphic expert
حاجة زي كدة
و كل ما يكون الفيديوهات بتاعتك قوية و منوعة و كتير
( الفيديوهات اللى عملتها فى قناة اليوتيوب الخاصة بيك )
كل ما ده هيكون سبب فى قبولك أكتر فى المواقع دي
و حط روابطهم فى وصف الفيديوهات اللى رفعتها على قناتك فى اليوتيوب
لو مش عارف ازاي تعمل بروفايل على موقع فرى لانسر بعينه او بشكل عام
اكتب ده فى التعليقات او ابعته كسؤال و هنجاوبه ان شاء الله
الخدمة دي اللى بتقدمها ابتدي اعمل حساب على تويتر خاص بيها
و ابتدي روج الخدمات و بروفايلك و الفيديوهات اللى بتعملها
على اشهر التريندات او رد بالتعليقات على اللي بيعملوا فيديوهات حلوة
و علق بشكل فني يوضح ايه الحلو فى الفيديو و انه كان ممكن يتعمل بشكل فلاني احسن
||| خامسا : ابتدى دور على قنوات اليوتيوب الشهيرة المدونين أو جروبات الفيسبوك الخاصة بالمونتاج و عمل الفيديوهات
و ابتدي اعمل تعليقات عندهم و اعرض خدماتك فى عمل الفيديوهات بجودة ممتازة و اسعار مناسبة
و طبعا لو بتستهدف جمهور أجنبي غير لو بتستهدف جمهور عربي
||| سادسا : قوي لغتك الإنجليزية و ده لو عاوز تستهدف جمهور أجنبي
( و ده اللى بننصح بيه لو عاوز أسعار حلوة و تناسب المجهود اكتر و زباين ألطف فى التعامل معاك و تقدير لمجهودك )
||| سابعا : دور كل يوم فى مواقع الفرى لانسر
خصص كل يوم فترة على الأقل ساعة .. مخصصة للتدوير
خلي نصها للترويج لخدماتك ( سواء فى الجروبات او تويتر )
و النص التاني للبحث عن فرص العمل و المشاريع اللى بتنزل بمواقع الفرى لانسر اللى قبلت بروفايلك
و استمر اثناء ذلك بتحديث قناتك , كل فترة خلي الفيديوهات تزيد
من 10 فيديوهات لغاية ما تبقى 50 فيديو
كل ما رصيدك يزيد من الفيديوهات اللى بتعملها
كل ما خبرتك و ايديك هتتطور و تكتسب خبرة اكتر
و كل ما ده هيكون قاعدة قوية تسهل تقديمك اكتر و اكتر
لو فيه اي حاجة مش واضحة عرفنا فى التعليقات
و لو السؤال شايف اجابته مفيدة .. خليك حبوب و شير البوست عندك و خلي الفايدة تعم عليك و على صحابك
و اعمل لايك عشان ده بيشجعنا لفايدة الغير
و ابعتلنا دايما بأسئلتك على الانبوكس
فقرة Q&A
شروحات فرى لانسر
#Q&A
#مجالات_الفرى_لانسر
حابة أساعد اللي بيبدأوا شغل أون لاين، بما أن بقالي سنتين الحمد لله عن طريق أبر ورك، أكبر غلطة بشوفها في اللي بيبدأ جديد..:
- هو أنه بيفضل يسأل عن طرق الدفع والبنك والتفاصيل دي كلها، ويخلص كل طاقته وفي اﻷخر ميجبش شغل ولا حتى يبقى ظبط طرق الدفع، مجرد لف وبيسأل على أقل حاجة أهمية في الموضوع.
زي ما سبق اتكلمنا فى تدوينة مصادر كورسات النت العالمية هنا .. و شرحنا ان فيه المواقع دي كنوز دايما و بنحرص نتابعها و ننوه عن بعضها ..
و الأسبوع ده فيه كورس ممتاز لهواة التصوير و اللى حابين يتعلموا تصوير عالمي بجد
الرائع انه مش كورس مقدم من اي مكان .. لأ ده كورس مجاني تماما من جامعة هارفارد
