زي ما سبق اتكلمنا فى تدوينة مصادر كورسات النت العالمية هنا .. و شرحنا ان فيه المواقع دي كنوز دايما و بنحرص نتابعها و ننوه عن بعضها ..
و الأسبوع ده فيه كورس ممتاز لهواة التصوير و اللى حابين يتعلموا تصوير عالمي بجد
الرائع انه مش كورس مقدم من اي مكان .. لأ ده كورس مجاني تماما من جامعة هارفارد
و كمان لو اتميت مستوى كويس فى الكورس ( فوق 80% ) ممكن تاخد شهادة معتمدة بانهاء الكورس ده برسوم رمزية ..
و كل ده اونلاين و انت فى بيتك .. بتشرب كوباية شاي لذيذة و معاك الكاميرا اللى انت جبتها قريب .. و بتطبق .. و تتعلم .. و تقرا و تسمع .. و تشوف الاسس الممتازة للتصوير المحترف
اظن ما فيش اجمل من كدة
ايه المطلوب تعمله عشان تسجل فى الكورس و تخش لمتابعة كل فيديوهات كورس تصوير هارفارد ؟
1- سجل اشتراك فى موقع اليسون
رابط الموقع : https://alison.com/
و زي ما كنا اتكلمنا فى تدوينة مصادر كورسات النت انه موقع من اهم مواقع الكورسات العالمية المقدمة من جامعات و معاهد عالمية متخصصة ..
لهذا عليك فقط تسجل اشتراك عادي جدا .. زي اشتراك الايميل بالضبط
و ممكن تسجل بحساب فيسبوك او تويتر او جوجل بلس .. فى دقيقة و يكون معاك دخول للموقع
2- ثم اشترك فى الكورس فورا
بعد ما تسجل اشتراك , تسجل دخول بالموقع عادي جدا
ثم بعدها هنروح للرابط ده
https://alison.com/courses/Digital-Photography/content
وبمجرد دخولك للرابط , شكرا انت كدة رسميا بقيت تقدر توصل لكل محتويات الكورس
استمتع .. اتعلم .. و دعواتكم بقى :D
بالتوفيق دايما :)
محمد علم
