طبعا اولا كل سنة و انتم طيبين , رمضان جه و حر و كدة نتعامل ازاي فى رمضان و الصيام
و الحر و كدة كفرى لانسرز ؟ اقولك يا جميل ..
1 | قسم الدنيا : شغل نهار و شغل ليل
شغل نهار :
فى نهار رمضان .. يعني هتكون فيه :
صايم - مش مركز اوي - حاسس بالعطش او الجوع - مرهق
مخك محتاج جلوكوز او غيره
يبقى بالتبعية :
تختار الشغل اللى مش محتاج تركيز اوي , مش محتاج تفكير اوي
حاجة بتتعمل اوتوماتيك او محتاجة بذل مجهود كبير
شغل ليل :
فى ليل رمضان , يعني هتكون فيه :
مركز - فاطر - مصحصح - مخك منتعش
يبقى بالتبعية تختار شغل :
تركيز , تفكير , ابداع , خيال , مجهود اكتر
لو اسست الدنيا كدة , هتلاقي اللي جاي سهل جدا .. يعني مثلا مثلا ...
2 | رمضان شهر الكورسات اونلاين
فاكر الكورسات و الفيديوهات اللي انت مجمعها فى المفضلة عندك و مؤجل مشاهدتها ؟لأن مجهود المشاهدة مش محتاج تفكير عالي , فقط بتسمع و تتفرج
و بتطبق بشكل خفيف
لو كل يوم تخلص كام فيديو , هتتفاجيء بعددد الساعات اللى خلصتها اخر الشهر
3 | تحديث موقع نماذج أعمالك فى رمضان
دي كمان حاجة تقدر تعملها فى نهار رمضان , لو كنت مصمم او مبرمج او مترجم
فده وقت مناسب لعمل شغل زي ما قلنا اوتوماتيك فى نهار رمضان
بتصور او بتضبط صور مناسبة لعرض كل شغلانة و تحدث موقعك بطريقة شبه الية و انت مش مركز اصلا
ترفع الصور و تضبط و كدة .. حاجات مش محتاجة تركيز , شغل محتاج صبر و ساعات فاضية .. و جه وقتها
و ده هيناسب اوي و يرفع فرصك فى النقطة رقم 4
انسب وقت للبحث فى المواقع بيكون اللى هو عندنا فى مصر الساعة 12 او 2 بالليل
4 | بحث الشغل ؟ بعد السحور !
انسب وقت للبحث فى المواقع بيكون اللى هو عندنا فى مصر الساعة 12 او 2 بالليل
و ما بعده ..اللى هو وقت سحور رمضان
و ده لأنه فى نفس التوقيت بتكون امريكا لسه عندهم الساعة 6 مساءا
و فى استراليا 7 صباحا
و دول اكتر اوقات بينزلوا فيها مشاريع شغل
دول عشان بعد انتهاء يوم العمل , و دول عشان فى اول يوم العمل
يعني تتسحر يا باشا كدة و مع كوباية الشاي : احلي ساعة بحث و اختيار و فرز للشغل كدة بروقان و تفرز لغاية ما تختار شغلانة او اتنين بالكتير تبعتلهم التقديم
5 | ابعد عن المشتتات
فجزء من وقتك هيضيع فى حاجتين : الفيس و التلفزيون
لهذا لازم تقلل الفيسبوك لـ ساعة او 2 يوميا بالكتير .. لو تقدر اقل تمام
و تبعد عن التلفزيون قد ما تقدر بعد ساعة الافطار
لأن كل البرامج و المسلسلات بيكون فيها فواصل اعلانية .. كتيييييييرة !
و دي بتستهلك وقت رهيب فوق وقت اللى بتتابعه
فمتابعة المسلسلات و البرامج و ايا كان .. فى رمضان
مضيعة كبيرة جدا لوقتك
طب تتفرج عليها فين ؟
يوتيوب يا جميل طبعا
و عشان فيه اعلانات يوتيوب برضه بينزلوها عليه كتير برضه :
.. فأوصيك باضافة Ad block
و تتفرج وقت ما يناسبك , زي ما تحب من غير مضيعة وقت
6 | اعمل خير
كفرى لانسرز دايما بتعرف ان ربنا بيرزقك قد ما تكون نيتك خير
كفرى لانسرز دايما بتعرف ان ربنا بيرزقك قد ما تكون نيتك خير
لهذا واجب عليك تعمل خير فى رمضان , مين عارف
و رمضان وقت جميل للحكاية دي و لهذا اوصيك بالتبرع للجهات الخيرية دي
جايز لما تعمل خير بسيط من رزقك , تصرفه لأى مكان محترم للخير
تتفاجيء ربنا يبعتلك موافقة على شغلانة بخير اضعاف مضاعفة
و رمضان وقت جميل للحكاية دي و لهذا اوصيك بالتبرع للجهات الخيرية دي
اللى شايف انها جميلة و مؤثرة و صادقة جدا و فاعلة جدا
( ممكن تتبرع طبعا لأى جهة تحبها , بس انا بقترح دول لأسباب كتيرة )
.. 5 دولار او 3 دولار تبرع .. ما تتصورش هيعملوا قد ايه فرق .. فى حياتهم و حياتك :)
مركز د.مجدي يعقوب للقلب - أسوان
https://www.myf-egypt.org/ar/donate.php
https://www.myf-egypt.org/ar/donate.php
جمعية رسالة - و انشطتها المختلفة
https://resala.org/ar/donation
https://resala.org/ar/donation
بنك الطعام
https://www.egyptianfoodbank.com/donate-online
https://www.egyptianfoodbank.com/donate-online
حملة اونروا رمضان - اهلنا فى فلسطين
https://goo.gl/17qxGd
https://goo.gl/17qxGd
الصليب الأحمر الدولي - لإغاثة اهلنا فى سوريا و حلب
https://www.ifrc.org/syria-crisis
https://www.ifrc.org/syria-crisis
و كل سنة و انتم طيبين يا شعب الفرى لانسر العظيم :D
