Theme forest :
إزاي تتقبل و تشتغل فيه.. فى خمس خطوات ؟
إزاي تتقبل و تشتغل فيه.. فى خمس خطوات ؟
انا مصطفى جعفر مصمم مواقع ... سته سنوات خبره فى مجال التصميم حابب اشرح للناس تجربتى فى سوق envato بطريقه يا رب تكون مبسطه وسهله على كل الناس
مبدئيا كدا :
envato مش موقع زى ما الناس فاهمه دى شركه كبيره جدا وشغاله فى اكتر من حاجه
منها سوق themeforest وهو موقع لبيع التصاميم سواء تصاميم فوتوشوب او وردبريس او كود
وفى منها مواقع بتخص البرمجه زى codecanyon دا مهتم بشغل البرمجه والكود سواء سكريبتات او مشاريع كامله
قصتى فى دخول themeforest :
عرفت themeforest من 2012 وفهمت ازاى اشتغل عليه لكن كنت متسرع جدا ودا اللى كل الناس بتقع فى الغلطه دى : انه يبقى متسرع وعاوز يتقبله شغله باى طريقه ودى مشكله كبيره ان السوق مش بيقبل اى حاجه
واى شغل وبيتراجع على شغلك من خلال مراجعين فى الموقع والناس دى معندهاش ابيض واسود ورمادى هو ابيض بس يا اسود بس .
بدات اصمم حاجات صغيره وارفعها وطبعا مكنتش تتقبل
علشان شويه حاجات هتكلم فيها بعدين كل اللى كنت بعمله انى بجيب تصميم واعمل زيه مع تغيير الوان وشويه حاجات صغيره (ودا غلط جدا) .
□
... طب ايه الحاجات اللى لو عملتها هيتقبل شغلك على ثيم فورست ؟
1 أولا : | التصميم الفريد
■ يعنى ايه الكلام دا ؟
يعنى تصميمك لازم يكون فريد من نوعه يعنى بالبلدى متشافش قبل كدا .
■ يا سلام وانا ازاى اعمل التصميم دا وكل الناس بتقتبس من بعضها ؟
انا مقولتش متعملش تصميم مقتبس اشتغل على تصميم يكون جديد بالنسبه للمراجع
وانت فى الاول لازم هتجيب افكار من ناس تانيه لكن لازم تعمل فيها حاجه جديده
فى اجزاء فى التصاميم بتبقى التصميم بتاعها موحد يعنى زى السلايدر دا شكله او المحتوى بتاعه واحد , لكن ممكن تعمل منه الف شكل وهكذا باقى عناصر التصميم من جزء الخدمات مثلا او الاخبار وهكذا
فى اجزاء فى التصاميم بتبقى التصميم بتاعها موحد يعنى زى السلايدر دا شكله او المحتوى بتاعه واحد , لكن ممكن تعمل منه الف شكل وهكذا باقى عناصر التصميم من جزء الخدمات مثلا او الاخبار وهكذا
■ دا شكله الموضوع صعب بقى ؟
لا مش صعب ولا حاجه , المهم تمشى كويس على الخطوات دى
ومنها اهم خطوه هى التصميم الفريد
... طيب ايه تانى ؟
□□□
2 ثانيا | حدد نوع التصميم اللى هتشتغل عليه
لازم قبل ماتبدا تشتغل على تصميم تحدد نوع التصميم .
... ازاى دا ؟
اقولك ازاى . فى Themeforest لكل قسم سواء قسم الفوتوشوب او الكود او الوردريس جوه كل قسم انواع للتصاميم
يعنى هتلاقى حاجه اسمها Creative او Corporate او business او personal
كل دى اقسام جوه قسم الـ PSD مثلا
ممكن تشوف القسم دا من هنا :
https://themeforest.net/category/psd-templates
فأنت لازم قبل ما تبدا فى التصميم بتاعك تحدد انت هشتغل على انهى حاجه من الحاجات دى
وتجيب ليها تصاميم مقبوله على الماركت وتبدا تشوف كل تفصيله فى التصميم من اوله لاخره فى كل الصفحات لازم تخلى بالك من كل حاجه حتى لو انت شايفها صغيره
طيب انت اخترت نوع التصميم اللى هتشتغل عليه ؟
دا حاجه حلوه اوى طب وبعدين
■ الألوان :
لازم تعرف برده بعد ما اخترت نوع التصميم دا ايه الالوان المناسبه للتصميم يعنى
لو خدت بالك اشهر الالوان المستخدمه فى الماركت هى الازرق ودرجاته
ومثلا فى تصاميم الانشاءات هتلاقى اللون العام الاصفر . تمام لحد كدا ؟
■ الخطوط :
الخطوة اللى بعد كدا لازم تختار نوع الخط المناسب للتصميم .
فى العموما فى خطوط سائده فى الماركت كل الناس بتستخدها زى مثلا على سبيل المثال لا الحصر
* Open Sans
.... ودا اللينك بتاعه :
https://fonts.google.com/specimen/Open+Sans
الخط دا بيقوله عليه فى الماركت الابن المدلل ! اه والله بجد دا الابن المدلل لكل الناس ومعظم المشاريع الكبيره واللى عامله مبيعات شغاله على الخط دا
■ الصور :
كمان لازم تختار صور مناسبه للتصميم بتاعك مينفعش تكون شغال على تصميم انشاءات وتشتغل على صور بتاعت حاجات بيزنس يعنى صور لشركات او صور مش بتدل على التصميم بتاعك (دا غلط ) لازم الصور تكون بتدل على التصميم
■ الشعار :
وكمان حاجه اخيره فى النقطه دى يعنى لازم تختار كمان شعار مناسب للتصميم بتاعك ممكن تشوف التصميم بتاعى دا بتاع انشاءات فكل اللى هيشوفه هيقول فعلا انه بتاع انشاءات لان كل حاجه فيه بتدل على كدا سواء اسم التصميم او الصور المستخدمه او الشعار بتاع التصميم .
تقدر تشوف التصميم من هنا
■ الصور :
كمان لازم تختار صور مناسبه للتصميم بتاعك مينفعش تكون شغال على تصميم انشاءات وتشتغل على صور بتاعت حاجات بيزنس يعنى صور لشركات او صور مش بتدل على التصميم بتاعك (دا غلط ) لازم الصور تكون بتدل على التصميم
■ الشعار :
وكمان حاجه اخيره فى النقطه دى يعنى لازم تختار كمان شعار مناسب للتصميم بتاعك ممكن تشوف التصميم بتاعى دا بتاع انشاءات فكل اللى هيشوفه هيقول فعلا انه بتاع انشاءات لان كل حاجه فيه بتدل على كدا سواء اسم التصميم او الصور المستخدمه او الشعار بتاع التصميم .
تقدر تشوف التصميم من هنا
خلصنا من التلات حاجات دول ؟ يبقى انت تمام كدا . نشوف اللى بعده
□□□
3 ثالثا | الهيدر والسلايدر والفوتر
انت كمستخدم عادى لما تفتح تصميم اول حاجه هتشدك وتقول التصميم "دا حلو اوى أو وحش اوى"
هي : منطقه الهيدر والسلايدر
ودى اللى فعلا بيركز فيها المراجع بنسبه 85% من التصميم
فعلشان تصميمك يتقبل ان شاء الله لازم تتعب فى التلات حاجات دول
(هيدر – سلايدر - فوتر)
■ فى العموم انت مش هتجيب حاجه جديده بس اتفرج كتير وحاول تطلع حاجه جديده من الحاجات اللى انت شوفتها فى التصاميم
■ النقطه المهمه بقى واللى مفيش حد تصميمه بيخلوا منها - وانا من الناس دى - اول تصميمين رسايل الرفض جاتلى بسبب التيبوجرافى
طيب الاول ايه التيبوجرافى دا ؟
هي : منطقه الهيدر والسلايدر
ودى اللى فعلا بيركز فيها المراجع بنسبه 85% من التصميم
فعلشان تصميمك يتقبل ان شاء الله لازم تتعب فى التلات حاجات دول
(هيدر – سلايدر - فوتر)
■ فى العموم انت مش هتجيب حاجه جديده بس اتفرج كتير وحاول تطلع حاجه جديده من الحاجات اللى انت شوفتها فى التصاميم
■ النقطه المهمه بقى واللى مفيش حد تصميمه بيخلوا منها - وانا من الناس دى - اول تصميمين رسايل الرفض جاتلى بسبب التيبوجرافى
طيب الاول ايه التيبوجرافى دا ؟
□□□
4 رابعاً | التيبوجرافى
التيبوجرافى بيندرج تحته حاجات كتير زى :
■ نوع الخط اللى انت مستخدمه فى التصميم زى ما قولت فى الاول
■ وحجم الخط فى العناوين بتاعت السكاشن والوصف لكل عنوان
■ وكمان المساحات بين السكاشن وبين الخطوط سواء عناوين او وصف للعناوين
وهتفهم كل حاجه خاصه بالتيبوجرافى
شوف البروفايل من هنا
طيب ازاى اعدى المرحله دى ؟
حلها الوحيد هى انك برده لازم تتفرج كتير على التصاميم اللى موجوده على الماركت ودى حاجه مهمه, كل الناس الموجوده على الماركت على فكره بتعمل كدا مش شرط علشان تقتبس لا فى ناس بتشوف الجديد علشان تعمل احسن منه وتطور وتبدأ من اخر نقطه المصمم اللى قبله وصلها
□□□
5 خامساً | المساحات ف التصميم بتاعك
لازم المساحات اللى فى التصميم تكون منظمه
يعنى مثلا لو انت هتخلى المساحه بين السيكشن واللى فوقه او اللى تحته سبعين بيكسل يبقى المساحه دى واحده فى كل التصميم وفى كل الصفحات
وكمان المساحه بين عنوان السيكشن ومحتوى السيكشن لو خمسين بيكسل برده دى تبقى موحده فى كل السكاشن .
□□□
في الختام | الملخص
فى الاخر بقى احب اقولكم حاجه حلوه :
فعلا لو مشيتو على الخمس نقاط دول و إن شاء الله هشوفكم فى الماركت بتصاميم كويسه جدا جدا
■ خدوها قاعده فى حياتكم اللى دخل الماركت او حاول يدخله وفعلا دخله فى الاخر مش احسن من اى حد فى الدنيا , وإن انا واى حد مش عبقرى علشان كدا دخل
■ كلنا ساعدنا بعض وانا فى ناس كتيره جدا طلبت مساعدتها والحمد لله كلهم ساعدونى , وكان ليهم سبب بعد فضل ربنا انى ابقى فى الماركت دلوقتى بعدد مش قليل من التصاميم
■ ممكن تشوفوا كل التصاميم فى اللينك اللى كتبته هنا فى الشرح
■ خدوها قاعده فى حياتكم اللى دخل الماركت او حاول يدخله وفعلا دخله فى الاخر مش احسن من اى حد فى الدنيا , وإن انا واى حد مش عبقرى علشان كدا دخل
■ كلنا ساعدنا بعض وانا فى ناس كتيره جدا طلبت مساعدتها والحمد لله كلهم ساعدونى , وكان ليهم سبب بعد فضل ربنا انى ابقى فى الماركت دلوقتى بعدد مش قليل من التصاميم
شكرا لكل الناس ويارب اكون افدتكم بكل المعلومات اللى عرفتها من خلال تجربتى
طبعا فى حاجات لازم اشرحها اون لاين او فى محاضره فان شاء الله تكون قريبه وكل الناس تحضرها
طبعا فى حاجات لازم اشرحها اون لاين او فى محاضره فان شاء الله تكون قريبه وكل الناس تحضرها
