كتب هذا الشرح : أ. نهى خالد
حابة أساعد اللي بيبدأوا شغل أون لاين، بما أن بقالي سنتين الحمد لله عن طريق أبر ورك،
أكبر غلطة بشوفها في اللي بيبدأ جديد..:
هو أنه بيفضل يسأل عن طرق الدفع والبنك والتفاصيل دي كلها
ويخلص كل طاقته وفي اﻷخر ميجبش شغل ولا حتى يبقى ظبط طرق الدفع
مجرد لف وبيسأل على أقل حاجة أهمية في الموضوع.
و لهذا نصيحة أساسية
نصيحة أساسية:
لو أنت لسة في اﻷول ,متفكرش في حوار الفلوس حاليا هتجبها إزاي , لحد أول 1000$ دولار ولا حاجة , لما يبقى معاك فلوس إبقى أشغل بالك هاخدهم إزاي، وساعتها هتلاقي الدنيا بتظبط بسرعة, خصوصا أنك عايزهم يعني علي عكس وأنت بتدبر حاجة والفلوس مجتش لسة !...بس برده هدي اختصار سريع
"عشان اللي قلقان، أو اللي عايز يعرف الزتونة في الدفع.
كل التفاصيل هتبقى بتخص UpWork أكتر حاجة، بما أن ده اللي لي خبرة معه
" و نفس الأمور تقريبا مع إختلافات بسيطة فى موقع Freelancer "
طرق الدفع و سحب الأموال
و بعض قواعدها بيختلف من دولة عربية للتانية .. و بعض الوسائل بتختلف من موقع للتاني
لهذا هنتعامل على الدولة انها مصر .. و الموقع انه upwork
وهنشرح الخطوط الاساسية اللى اغلبها بيكون شغال من حيث المبدأ
1 أولا : | Wire Transfer
- ودي بتبقى تكلفتها 30$ -ثابتة- وبيبقى تحويل بنكي، وعشان متخسرش فلوس الحساب يبقى دولاري
دي الطريقة الوحيدة اللي بتجيب لك دولار على حد علمي لمصر
مميزاتها
* التكلفة ثابتة، فبالتالي لو بتصبر وتحول الفلوس بعد ما يبقوا كمية كبيرة هتتكلف فلوس زيها زي اللي بنسبة
* هتحافظ على العملة. ودي حاجة مهمة جدا لك في المستقبل
دي الطريقة الوحيدة اللي بتجيب لك دولار على حد علمي لمصر
مميزاتها
* التكلفة ثابتة، فبالتالي لو بتصبر وتحول الفلوس بعد ما يبقوا كمية كبيرة هتتكلف فلوس زيها زي اللي بنسبة
* هتحافظ على العملة. ودي حاجة مهمة جدا لك في المستقبل
* زائد أي طريقة بتحول لك العملة لمصري بتاخد نسبة 3% على اﻷقل وفيه وصلوا ل5%
عيوبها
* التكلفة عالية لو عايز تاخد 200$ ولا أي رقم قليل هيروح عليك نسبة كبيرة.
* لو البنك بتاعك احتاج بنك وسيط فيه فلوس فالنص بتتحسب بس متقدرش تعرف أن كانت ثابتة ولا نسبة
عيوبها
* التكلفة عالية لو عايز تاخد 200$ ولا أي رقم قليل هيروح عليك نسبة كبيرة.
* لو البنك بتاعك احتاج بنك وسيط فيه فلوس فالنص بتتحسب بس متقدرش تعرف أن كانت ثابتة ولا نسبة
..بس بتبقى في حدود 10-15$. بس
فممكن تقول أن ممكن التحويل ياخد 50$ في اﻵخر أقصى حاجة.
2 ثانيا | Skrill
- بتتكلف 11$ بس عشان تحول من أب ورك لسكريل.
- ممكن تطلب من سكريل كارت ماستر وتبقى بتستخدمها في الشراء أون لاين.
- سكريل بنك إنجليزي على حد علمي. شغال بعملتيين :
عملة بلدك واليورو بس... فبالتالي لو عايز العملة تيجي لك يورو لطيف.
- التحويل البنكي بيكلف تقريبا 5.50 يورو بس أخر حاجة وصلتها بس + نسبة
( النسبة دي هو مش بيقولك عليها بوضوح
هي بتبقى تكلفة تحويل العملة , ﻷن هو جاي له دولار..
فيبقولك هحوله لك مصري أو يورو وبياخد نسبة 3.99% تحويل عملة)
- لو هتسحب الفلوس باستخدم الكارت ATM فهشيل منها 1.75% + نسبة تحويل العملة لسة 3.99%، لو عندك حساب يورو
..فيه ناس بتحسبها بالنسبة بكله بتشوف أنه أقل من الـ wiretransfer.
- لو حسابك يورو تحول على نفسك يورو. بس لو مصري..هتخسر أزيد ﻷن لو البنك كمان حول لك مصري وخصم نسبة تحويل هو كمان كتير
وأنت بتعمل الحساب بيسألك عايز العملة إيه؟
- أختارها يورو..ﻷن لو أخترت غلط..مينفعش تصلح ولا تغيير خالص. وبتلغي الحساب وتعمل حساب جديد.- وكمان هيفضل يحول لك العملة كذا مرة ويخصم أكتر
مميزاتها
* ينفع تجيب الفلوس يورو
* لو الكارت جالك، ممكن تستخدمه في الشراء مباشرة ,وممكن لو محتاج الفلوس بسرعة تسحب بـ ATM
على عكس لو تحويل بنكي ممكن يطول لـ 3 أسابيع أحيانا في مصر وأقل حاجة 3 أيام
عيوبها
* نسبة الفلوس اللي بتتاخد في التحويل وأنك مينفعش تاخد دولار
* خدمة العملاء عندهم سيئة ﻷقصى درجة و بطيئة جدا
* بسبب النقطة دي, ممكن الكارت ميجيش لك أصلا ومتعرفش تتواصل تحل المشكلة دي
3 ثالثا | Payoneer
- بايونيير زيه زي سكريل، هو بنك مادي جدا , ولكنه بيريح في الشراء أون لاين
الكارت بيوصلك مجانا
* رسوم الخصم السنوية : بياخد منك 30$ دولار في السنة
"بيسحبهم أوتوماتك أول ما يبقى معك فلوس "
* رسوم الخصم لما تسحب الفلوس من اب ورك على بايونير( بيخصم 2 دولار )
* بعدها سحب الفلوس بتوصل فى الوضع الطبيعي خلال يومين فقط
و لو مستعجل لانتقال الفلوس من اب ورك إلى بايونير خلال ساعتين
ممكن مقابل 2.5 دولار فقط
* لو عايز تحول من كارت بايونير لحسابك البنكي المحلي :
هياخد 2% من الفلوس لكن هو بيرغمك تاخدها بعملة بلدك بس
وبياخد نسبة 2% كمان رسوم تحويل العملة فبالتالي 4% تقريبا
خدمة العملاء
حلوة جدا والكارت بيجي لك بسرعة، وينفع تستخدمه في كل حتة فعلا وبتبقى نسبة استخدامه 1% على عميلة الشراء إلا لو ATM بيبقى زي سكريل نسبة تحويل 2% و3.15$ سعر استخدام المكنة
مميزاته
* الكارت بيجي بسرعة. ولو أنت بتسافر أو قررت تبعت الكارت لحد عايش برة في مكان فيه ATM دولاري
..ساعتها هيبقى أقل تكلفة لو بسحب لك هو الفلوس من عنده.. ﻷن تكلفة السحب هتبقى 3.15$ بس على الحد اﻷقصى بتاع المكنة
ومفيش نسبة بما أن مفيش تحويل عملة, والشخص ده يبعت لك الفلوس بأرخص طريقة بعدين
* خدمة العملاء :كويسة جدا. فبتبقى مطمن لو حصل مشكلة هيرودوا عليك.
* في التعاملات اللي غير أبورك بيقدم خدمات كويسة. زي تستقبل فلوس من ناس تانية بتستخدم بايونير
أو يبقى لك حساب بنكي وهمي ينفع الناس تستخدمه عشان تحول لك عليه فلوس كأنك في أمريكا
وتعاملات يورو حلو برده. بس مجربتش حاجة منهم
* الشراء أون لاين
عيوبها
* لو مش بتستخدمه ومجرد عامله تجربة ..الفلوس السنوية هتبقى خسارة.
4 رابعاً | Paypal
وقت ما دورت كان مش شغال مع مصر 
وكنت سألت على السريع الناس اللي بتستخدمه لو ينفع يجي منه دولار ولا لا؟
- وأتقال لي لا وقتها: وأنه مصري بس برده
بس فيه ناس بتستخدمه يعني فهي تساعدنا إن شاء الله ﻷن معنديش فكرة وصل ﻹيه.
أفضل حل حاليا للربط مع باي بال و السحب منه فى مصر :هو كارت ديكس باي Dixi pay رابط موقع ديكس باي
أخطاء عامة ممكن تحصل في طرق الدفع
* لازم أي حساب بتحول عليه من أب ورك ﻷي خدمة. ومن أي خدمة للبنك = يكون بنفس اسم اﻷكونت بتاعك هناك + نفس الايميل وإلا الفلوس هتترفض وترجع
فبالتالي لو حد قرر أنه يبعت الفلوس على أكونت بنكي حد من أهله بدل ما يعمل حساب أو أي مسمي الاسم مختلف بشكل كبير
الفلوس بتيجي فعلا وكله وبعدين البنك بيرفضها ﻷنها بتيجي باسمك ومش بلاقوا اسمك فبيرجعوها.
وساعتها هتخسر فلوس التحويل بالنسبة , بس مش هتخسر الفلوس
* فكرة أنك تستعجل وكل شوية تسحب , غلط , بينما لو صبرت الخسارة هتبقى أقل
* أن تبقى عايز تاخد الفلوس دولاري ومتعملش حساب دولاري
أو يورو والحساب مش يورو
في الختام | الملخص
- وأخيرا فكرة اﻹنشغال بالدفع أزاي وأنت لسة ملقتش شغل ؟ تلاقي اﻷول؟
متخلصش طاقتك من اﻷول على حاجة مضمونة
فتذكرة..عشان اﻷسئلة المتوقعة :
* متسألش في تفاصيل توصيل حسابك بالبنك لو لسة مجبتش فلوس أساسا
* يمكن بس في مواقع تانية محتاج أول حاجة تشوفها إيه الطرق اللي عندهم على السريع
( زي udemy ، الطريقة الوحيدة هي paypal... فبالتالي ساعتها محتاج تتأكد هتعرف تعمل paypal ولا لا قبلها؟
* وتاني حاجة تتأكد منها هو أن : ينفع فلوسك تفضل على الموقع لحد ما تظبط أمورك ولا لا.
وزي ما وضحنا .. بتهيألي أغلب المواقع ينفع طبعا
و بالتوفيق
