تعليم الانجليزي : موقع دوولينجو + طريقة الأفلام الاجنبي

نيجي بقى لتعليم اللغة الانجليزية

أهم طريقتين شفت انهم افادوا ناس كتير اعرفهم فى مصر من حواليا فى تجربة العمل المستقل  

كانت  طريقة دوولينجو  + طريقة الافلام 

ازاي ؟ هنشوف دلوقتي 


الطريقة الاولى : موقع دوولينجو 

فيه مواقع كتير لتعليم الانجليزي لكن ده اهم موقع و تطبيق  لتعليم الانجليزي عشان اسباب كتير
1 - عشان سهل جدا  يبدأ من الصفر لو عايز 
2 -  فيه تطبيق سمارت فون   سواء اندرويد او ايباد   و بيشتغل حتى بغير وجود نت
3 - بيصحح النطق  و انت بتنطق و بيسمعك و تسمعه تكرر  لغاية ما توصل للنطق الصحيح 
4 - سهل جدا و مش معقد 

دوولينجو
https://ar.duolingo.com/

بيعلمك الانجليزي بسرعة و بشكل سهل خالص

من اول الجمل البسيطة و يزودها معاك شوية شوية

و الاهم بيعلمك نطق سليم

خطوات الاشتراك فى موقع دوولينجو 

1 – دوس هنا عشان توصل لصفحة موقع دوولينجو باللغة العربية
2 –  دوس على ( أبدأ  ) وهيتم توجيهك إلى صفحة اختيار اللغة الللي عاوز تتعلمها وافتراضياً يعطيك اللغة الإنجليزية

3 – تختار اللغة الإنجليزية ويفتح معك موقع دوولينجو و فيه الجولة التعريفية عشان تفهم الموقع لو تحب 

4 – تختار " انشيء حساب "

 5 -  يفتح لك الموقع نموذج الاشتراك هتكتب بياناتك و بعدين تدوس أضغط على أنشئ حساباً
 ، وهيتم تسجيل دخولك للموقع تلقائياً

6 –  دلوقتي تقدر تبتدي بأساسيات اللغة الإنجليزية خطوة بخطوة مع البرنامج ؛  
هيعرض عليك البرنامج بعض الكلمات ويختبرك بها بأكثر من طريقة،
و مش هتقدر تشوف الدرس الثاني قبل ما تنهي الدرس الأول وتتخطى الاختبار

لو انت متقدم , هتعدي المرحلة دي بسرعة كأنك بتقزقز لب , و هتكون مراجعة لطيفة و تصويب لنطق الكلمات  معقول 

و لو من الاول هتستفاد كتير جدا 

7 - تختار الدرس الأول وتدرس الكلمات التي به وتبدأ الاختبار ولازم تتخطى الاختبار عشان تنتقل إلى الدرس الثاني.

الطريقة الثانية : مشاهدة الافلام الاجنبي بدون ترجمة 

 لو كانت مشكلتك فى النطق كمان :

 ارشحلك تتعلم بطريقة مشاهدة الافلام الاجنبي

1 - تنزل الفيلم عادي جدا , اي فيلم بتحبه او بتتفرج عليه 

2 -  بس تنزل ترجمتها الانجليزي مش العربي

 ده موقع ترجمات الافلام :   http://subscene.com

3- ثم شوية شوية تتفرج عليها من غير ترجمة خالص

4 -  ابتدي مع الافلام اللى انت شوفتها سابقا , عشان تكون فاهم قصة الفيلم 
 ثم زود شوية شويةبمعدل ساعة كل يومين او خليها مع وقت مشاهدتك للافلام

5 - الطريقة دي هتسهل عليك مخاطبة العملاء  لو كان عن طريق سكايب  بسهولة شديدة 


طب ليه الانجليزي مهم تتعلموا ؟
مش بس عشان تفهم المواقع و تشتغل عليها
لكن كمان عشان تعرف تكلم الزبون الاجنبي كويس جدا  
لأنهم لما يلاقوك لغتك كويسة على الاقل فى المخاطبات البسيطة
فساعتها هيحسوا  انهم بيتكلموا مع واحد الانجليزي بتاعه محترف و كافي لمخاطبته و ده هيخليهم يرتاحوا ليك جدا 
لأن الزباين ( العملاء ) بيرتاحوا بنسبة 90 % مع الفريلانسير اللى بيتكلم انجليزي حلو 
عن اللى بيتكلم انجليزي بشكل بيتعبهم  و يشككهم انه فهم اصلا هما عاوزين ايه 
و ارتياح الزبون يعني شغل اكتر  .. يعني نجاح اكتر :)

و بكدة تقدر تتعلم انجليزي + تتعلم مهارة بتحبها + تشتغل :)
عن طريق الانترنت و بإصرارك و عزيمتك و بتوفيق ربنا طبعا

تابعوا معانا فى الموقع هنا و هننزلكم حاجات تعليم لغة انجليزية فى قسم اللغات باستمرار دايما  
و كذلك بقية اللغات 
عشان تبقوا ناجحين جدا جدا  
بالتوفيق دايما يا احباب :)

اخوكم محمد علم